EARTHEN VESSEL

You know how some people will tell everybody say you get potential, but when e come to helping you harness am, dem no show? Dem go dey say, “You will go far o,” and you go dey ask, “How na?” Dem get the capacity to help you blow, but dem just dey talk, no action.

Not everybody fit see that gold inside earthen vessel. Some people see am but no go mine am. Others see am and quickly begin dig. But that quick miner no be the only destiny helper o. The “farmers” too dey important—those ones wey go motivate you, spread your matter everywhere, till e reach the ear of the third person wey go finally invest and mine the gold.

No vex because of the first and second type. Keep working on yourself; most times, you never even ready yet. God dey work something beautiful. Just stay with discipline, consistency, and persistence.